أول تعليق من حمو بيكا على قرار وقفه عن الغناء وتحويله للتحقيق

وقال حمو بيكا وذلك عبر صفحته علي موقع فيسبوك: صدر قرار وقف ليّ من نقابة المهن الموسيقية وتحويلي للتحقيق .. طبعاً اي قرار يصدر عن نقابة المهن الموسيقية بخصوصي انا محترم القرار جداً وملتزم بيه، بس انا بطلب من سيادة النقيب المحترم استاذي النجم الكبير " مصطفي كامل زي ما النقابة قامت باصدار قرار بوقفي والتحقيق معايا .. تصدر نفس القرار علي كل مغني بيغني نفس الأغنية دي ويتم التحقيق معهم كلهم زي بالظبط.

وأضاف حمو بيكا : الاغنية انا بغنيها عادي ومش قاصد بيها اللي وصل للناس وان اي حد بيدخل بواسطة والكلام الفارغ الي روجه بعض الناس علي مواقع السوشيال ميديا.

وتابع حمو بيكا: المقصود بكلام الأغنية ان الأم بتخاف علي ابنها وهي واسطته وهي الي مدلعة ابنها زي ام في الدنيا .. وده موال قديم جداً ومش مقصود منه الاستهانه ولا حد يجرئ انه يستهين .. وانا ابن بلد وواحد منها .. وزي ما اخواتي الصحفيين شيرو البوستات .. يشيرو البوست ده وانا رافعلهم مطربين تانين وهما بيغنوها برضه وفي اخر كلامي .. انا بحترم نقابه المهن الموسيقية وبحترم كل قرارتها وبحترم كل مؤسسات الدولة وكل عام وقائدنا الرئيس عبد الفتاح السيسي وجيشنا العظيم بخير بمناسبة عيد تحرير سيناء.

يمكنك مشاركة الخبر علي صفحات التواصل