ترك زوجته لأخيه فحاول اغتصابها مرتين .. وداعية: هاتيله راجل

صورة أرشيفية

2/19/2020 3:25:14 PM
فيديو

نادية عمارة: هاتي له راجل

أثار مقطع فيديو لمتصلة ببرنامج " قلوب عامرة" الذي تقدمه الدكتورة نادية عمارة حالة من الجدل على موقع التواصل الاجتماعي " فيس بوك".

ففي الحلقة التي أذيعت على قناة الحياة اتصلت فتاة من الدقهلية تقول إنها متزوجة منذ سنتين بشقة ببيت عائلة ولكنها كانت دائمة التردد على شقة والدة زوجها للطبخ وإنجاز شئون المنزل.

وقالت المتصلة: كنت بروح لحماتي يوميا عشان أطبخ وأعمل شئون البيت وكان شقيق زوجي الأكبر خاطب بنت عمي، وفي مرة وأنا هناك اتهجم عليا وحاول يغتصبني، بلغت زوجي قال لي ببرود وأنا هعمل ايه أنا مش حقدر أروح أضربه يسألوا بضربه ليه والعيلة تولع ما تقوليش لحد وبطلي تطلعي فوق تاني.

واستطردت: استغربت أنه ما أخدش أي موقف فاكتفيت بإني بطلت أروح عندهم حتى فرح أخوه على بنت خالتي ماروحتهوش، لكن بعد الفرح بـ10 أيام كان الشاحن بتاعي عند حماتي اتصلت سألتها عليه ففوجئت بنفس الشخص اتحجج بالشاحن ونزلي تحت وبمجرد ما فتحت له الباب حاول تاني يتهجم عليا ويغتصبني.

وتابعت: بلغت زوجي مرة تانية رد عليا نفس الرد وبنفس البرود فحسيت إن الدنيا قفلت في وشي وإني مش هعرف أخد حقي فبلعت 40 برشامة وقطعت شراييني عشان أموت وارتاح من الدنيا.. بس ربنا ما اختارنيش ودلوقتي مش عارفة أعمل إيه.

وجاء رد نادية عمارة قائلة: ما ينفعش أبدا انك تنتحري وما ينفعش الإنسان يكون ضعيف بالشكل ده.. الغريب موقف زوجك اللي راضي بده على رجولته مش لازم يروح يضربه طب حتى أضعف الإيمان ياخدك تسكني بعيد ولو بالإيجار لا أن يضع نفسه في هذه المواقف الخسيسية.

وتابعت: إنت مش مطالبة بخدمة أهل زوجك بالعكس الزوج مطالب بأن يوفر خادمة لزوجته إن كانت ممن يخدموا ونتيجة للظروف الاقتصادية فالزوجة تتعاون مع زوجها في شئون بيتها فقط، وما تطلعيش برة بيتك تاني وتروحي عندهم إلا وزوجك موجود، ويجوز لكي دعوة أحد من أهلك يقف ضد هذا الرجل الذي لم يجد رجلا يقف أمامه.

 

اليوم الجديد