مغردون يسخرون من مميزات الرجل المصري

صورة أرشيفية

2/5/2020 4:14:30 PM
تريندات

تصدر موقع التدوينات القصيرة "تويتر"، خلال الساعات القليلة الماضية، هاشتاج "مميزات الرجل المصري".

وسخر مغردو " توتير" من الهاشتاج، وهذه السخرية لم تأتِ من السيدات فقط، بل أصبح الرجال أنفسهم يسخرون منه.

وقال محمد خالد: وسيم وجذاب وعنده حضور وكاريزما، وقلبه كبير وقادر على احتواء أي أنثى بحنيته وعطائه.

بينما علقت أخرى قائلة: "أنه دايما سنجل أه والله حتى وهو متجوز سبحان الله، وحنين كده ومش بيكسف واحدة أبدًَا".

وسخر عاصم، قائلًا "مخلص وعينه مش زايغة وكريم وبيحب مراته ومريحها وشايل مسؤولية بيته وولاده".

وكتبت منال علي: "من صغري كنت بسمع أن كل بنات الأرض يتمنوا الارتباط بالرجل المصري، ولما كبرت نفسي أعرف مين اللي قال الكذبة علشان يتحاكم ويبقى عبرة لغيرة، هو بيبقى واقف في البلكونة بفنلة مقطعة وكوباية شاي، وفاهم أن الكل هيموت عليه، وهو أصلا عامل زي الغراب".

كما ضحكت سمر قائلة: "مش عارفة أقول أيه ولا أيه مفهوش ميزة، مضيفه أعمل فولو "هتلاقي الباك في قفاك".

وغردت "هبة": مميزات الراجل المصري اللي احنا مش عارفين قيمته وكل نساء الأرض هتموت عليه، وبيتميز بالحنان وأم حنان وأخوات حنان، وثقافة الحوار ياختاي مقولكوش على ثقافة الحوار تجيب جنان، وبالمستكة والحبهان لزوم النكهة أومال هيجذبهم ازاي يعني وروح الدعاية والهزار هزار".

وتساءلت هند صلاح: "أيه ده هو عنده مزايا واحنا مانعرفش؟".

 

 

 

 

 

 

 

 

 

 

 

 

 

اليوم الجديد