الرئيس السيسي: ربنا لا ينصر إلا الأشراف.. ومحدش يقدر يعمل فينا حاجة

الرئيس عبدالفتاح السيسي

1/6/2020 10:14:21 PM
أخبار

قدّم الرئيس عبدالفتاح السيسي التهنئة للأقباط بسبب عيد الميلاد المجيد، داعيًا المصريين كافة إلى عدم الالتفات لأي محاولات إحداث الوقيعة والفِتن في البلاد.

وقال الرئيس السيسي، خلال كلمته التي ألقاها كلمة الرئيس السيسي خلال احتفالات عيد الميلاد المجيد بكاتدرائية ميلاد المسيح بالعاصمة الإدارية الجديدة، إنه كما اعتاد في بداية كل سنة يأتي ليحتفل مع الأقباط ويهنئه بمناسبة عيد الميلاد.

وتابع: "عايز أتكلم معاكوا كلمتين صغيرين، الموضوع الأولاني، إن احنا لازم دايمًا نخلي بالنا من علاقتنا ببعضنا البعض، وإذا كنتوا بتحبوا ربنا حبوا بعضكوا، والكلام اللي بقوله دا بقوله لينا كلنا، متخلوش حد يدخل بينا، ويحاول يوقع بينا".

وأكد، ان رسالته الأولى للجميع هي ضرورة الالتفات لأي محاولة للفتن والوقيعة، ويجب أن تكون أكبر منها.

وأضاف: "شايف المصريين قلقانين، مفيش مجال للقلق، لسبب واحد، إن احنا مع بعض، وطول ما احنا مع بعض محدش يقدر يعمل فينا حاجة، ربنا أراد إننا نكون في ظروف صعبة، لكن طول ما الشعب المصري إيد واحدة، محدش يقدر يعمل معانا أي حاجة".

وتابع: "محدش يقدر يجرجرنا هنا ولا هنا، احنا قادرين إن ربنا يلهمنا البصيرة، ونبقى شايفين الإجراء الأفضل اللي ممكن نعمله".

واختتم الرئيس كلماته بقوله "احنا بنتعامل بشرف في زمن مفيش فيه شرف، وبالتالي ربنا موجود، وربنا لا يمكن أن ينصر إلا الأشراف".

الرئيس السيسي للمصريين: انتوا قلقانين من إيه؟.. متقلقوش.. طول ما إحنا مع بعض محدش يقدر علينا

كلمة الرئيس السيسي خلال احتفالات عيد الميلاد المجيد بكاتدرائية ميلاد المسيح بالعاصمة الإدارية الجديدة pic.twitter.com/hHsoPWW18K

— dmc (@dmctv) January 6, 2020

اليوم الجديد