شاهد| شريف مدكور يعلن إصابته بفيروس في الدم 

12/9/2019 2:57:06 AM
تريندات

طمأن الإعلامي شريف مدكور، متابعيه بعد غيابه فترة طويلة عن السوشيال ميديا.

وأضاففي فيديو لايف عبر حسابه الشخصي على "الفيسبوك": "أنا بقالي كتير مش بطلع لايف وبفتح لاقيت رسايل كتير من مرضى الكانسر واللي بياخدوا علاج وبيطمنوا عليا".

وكشف "شريف" عن سبب غيابه قائلًا: "أي حد بيأخذ كيماوي مناعته بتقل، دي حاجة معروفة، أنا كابرت شوية وبقيت أنزل ‏الشغل وأعافر واشتغل زي ما أنا، وأنزل وأخرج وأسوق العربية وأعمل كل حاجة، في بعض الإرشادات اللي كانت متقالالي وأنا ‏معملتهاش، إن أنا الناس اللي كانت بتسلم عليا كنت بسلم عليهم وببوسهم، فأنا جالي فيروس بقالي خمس أسابيع الفيروس ده بيبقى في الدم ‏وموجود عند كل الناس بس بيبقى بنسب قليلة".‏

وتابع حديثه: "أنا طلع عندي لغاية 900 وده أدى إن درجة ‏حرارتي بقالي خمس أسابيع واصلة لـ 39 ونص، هو مالوش علاج غير إن الجسم يحاول يتخلص منه، وده اللي بيحصل لكن أنا عندي أنيميا ‏بسبب الكيماوي والمناعة قلت عندي وده طبيعي جدا لأي حد بياخد كيماوي".‏

واختتم حديثه قائلًا: "جسمي هلك عشان يتخلص من الفيروس هو لسه عندي بس الحمد لله حرارتي قلت.. أنا إمبارح روحت مستشفى دار الشفا ونقلت كيسين دم، لتر دم عشان جسمي يقدر يقضي على الفيروس.. الموضوع مالوش دعوه أوي بالكانسر.. أنا اللي اهملت وعافرت.. أتحسنت شوية وقادر اتكلم".

اليوم الجديد