إياد نصار على انسحاب مخرج "ظلم المصطبة" : مش محل نقاش"

لكنه سرعان ما تحدث بجدية قائلاً:"من المهم لأي فنان إن العمل يُعرض في رمضان، وظروف الموسم الرمضاني بقت مفهومة ومعروفة لكل المخرجين، فمفيش مفاجآت. الفنان بيبقى عامل حسابه إن المشروع ده داخل سباق رمضان ماينفعش يجي قرار مثلاً  زي مش هنلحق.

وأضاف نصار:"أنا مش مبسوط من انسحاب هاني خليفة. هو مخرج مهم وموهوب، وده مش محل نقاش. لكن شخصيًا، صعب عليا أقبل فكرة القفز من المركب. أنا تربية مسرح، عندي الكلمة قبل الورق."

وردًا على تساؤل لميس الحديدي:"إياد نصار لو اتزنق أو اختلف مع فريق العمل.. هتقفز من المركب؟"أجاب بحسم:"لا طبعًا. حتى لو المشروع مش عاجبني، هكمله لآخره وأطلع منه باستفادة. استفادتي ممكن تكون إني أتعامل مع ناس جديدة، أتعلم، أو أكتشف حاجات في نفسي."

واختتم قائلًا:"الممثل وضعه مختلف، لو بدأ التصوير ماينفعش يسيب العمل، بس المخرج قائد.. والقائد ماينفعش يقفز من المركب."

يمكنك مشاركة الخبر علي صفحات التواصل