نشر بوساطة بكر هذال في الرياض يوم 25 - 05 - 2025

أمنولٍ فوق الركايب يشدون
وحمولها بظهورها شايلتها
هذي وسيلتهم عليها يشيلون
الزاد وبيوت الشعر متعبتها
واليوم راعي البل شايل تليفون
والجيب والوايت معه رافقتها
سليمان بن عبدالعزيز السنيدي - الرياض
يوم الشديد وشيل حط الركايب
حال البشر في ماضيات السنيني
بحمولهم يمشون فيها صعايب
والأرض دمثه فيها عشب وحنيني
والكورجه فوق الجمل للحبايب
ظروفهم صعبه عسى الله يعيني
حمد عبدالله الوايلي - حوطة سدير
ذولا هم البدو شِديدٍ.. ونزَّال
على الزَّمل ورى المطر والمراعي
ما بين قيض وبرد هذي هي الحال
يا زينهم لا صار بالبر مرباعي
الشجاعه والكرم واحلى الخصال
منهم وفيهم جينات.. وطباعي
والبراري والفيافي لهم منزال
وتحلا لهم فجاج بالبر ووساعي
سِجْ القدم لا احتجت توساعة البال
تلقى بها طيب النسايم والامتاعي
سعود عائش الحربي - جدة
أشوف لي ذودٍ تدرهم تدرهام
تقطع مسافات الفجاج الوسيعه
ذودٍ عليها من الحمل زود الانعام
يشوق عينك شوف أحلى طبيعه
في شوفها تجلى عن النفس الاوهام
فيها التفاخر والمكاسب السريعه
خالد بن ناصر المخيمر - روضة سدير
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
[email protected]
صورة العدد السابق

انقر هنا لقراءة الخبر من مصدره.