«ملوا عنيكم منهم»..«شاب يتيم» يصنع تمثالين لوالديه خلال خطوبته

الصورة المطبوعة
الصورة المطبوعة

 

"اهتموا بأهلكم قبل ان تندموا، استمتعوا بكل لحظه معهم قبل فوات الاوان و اتكلمو و ملوا عنيكم منهم و بلاش خناقات على الفاضي، مهما قابلتو ناس مش هتلاقوا حد يحبكم قد أبوك و أمك "، برسالة مؤثرة، شاب مصري "يتيم" الأب والأم يوصي شباب جيله، بالاهتمام بالآباء والأمهات، والابتعاد عن كل ما يحرمهم منهم في حياتهم.

وروى "عمر" عبر صفحته الشحصية على موقع التواصل الاجتماعي "فيسبوك"، اليوم الثلاثاء، آخر موقف مع والده قبل وفاته، وطبع صورة لوالده ووالدته، أثناء حفل خطوبته، وتفاعل عدد كبير من أصدقائه مع الرسالة.

وكتب: "مرة وأنا في المستشفى مع بابا كنت سهران معاه لحد ما راح في النوم، المهم سبته ينام وطلعت بره وفتحت اللاب وقعدت ألعب، لقيته شوية و بينادي بيقولي سبتني ليه أنا نفسي اتكلم معاك، وأسمع صوتك احكيلي حاجة.. قعدت اتكلم معاه لحد ما راح في نوم تاني".

وأختتم رسالته، قائلًا: "أنا فعلًا ندمان إني كنت في فترات كتير بسيبه هو وماما، ومتكلمش معاهم"، مضيفا: "والله لو الزمن رجع تاني عمري ماهسيبهم تاني و هفضل اتكلم معاهم".

رسالة الشاب
رسالة الشاب

 

 

 

التعليقات