رواد «التواصل الاجتماعي» يهاجمون شيرين عبد الوهاب بهاشتاج غاضب

شيرين عبدالوهاب
شيرين عبدالوهاب

 

شن رواد مواقع التواصل الاجتماعي "تويتر"، هجوما شديدا على الفنانة شيرين عبد الوهاب، لما قالته في حفلها ببيروت، حينما طلبت إحدى اللبنانيات منها غناء "مشربتش من نيلها"، لترد: "هيجيلك بلهارسيا.. إشربي مياه معدنية أحسن".

ورد الجمهور، على إساءة شيرين بهاشتاج "بشرب من نيلها ومش هسمع شيرين"، ليكون الأكثر تداولاً في مصر.

وقالت إحدى المغردات: "والله هو العيب مش عليها، العيب على اللي كل مرة يدافعوا عنها، من ساعة حركة الجزمة وقولنا بيئة، قالوا حرام، فنانين كتير أصلهم متواضع، كبروا واشتهروا بس احترموا نفسهم ولا اتغروا ولا قلوا أدبهم على حد ولا بلدهم»، وجاءت تغريدة آخرى مهددة: "من دلوقتي بنقول أي إعلامي هيكلمها علشان تدافع عن نفسها هنقاطعه كفاية أوي اللي سمعناه منها".

وانتقد أحد المغردين، أي مقارنة بينها وبين المطربين العرب قائلاً: "الشاب خالد لسة من أسبوع كان بيغني ببلاش في مؤتمر شباب العالم، وحسين الجسمي اللي تحس أساسًا أنه مصري أكتر من كتير من المصريين، ونانسي عجرم اللي عارفة أن مصر هي اللي شهرتها و لها الفضل عليها، كل دول و ناس تانيين بيحترموا مصر جدًا لأنهم مش ناكرين للجميل".

 

التعليقات