عن هدم مقام يعترض محور المريوطية.. السيسي: المساجد لا تُبنى على أرض حرام

الرئيس السيسي - أرشيفية

8/17/2019 12:06:31 PM
303
24 ساعة

أكد الرئيس السيسي أن تنفيذ مشروع المحمودية يواجه مشكلتين، أنه يعترضه سوق الحضرة وتوجد خطة لنقله إلى مكان آخر، علاوة على اعتراضه مسجد مقام سيدي أبو الهواري.

وقال السيسي: "المحور دا بالكتير يكون خلال شهرين تلاتة يكون بنفتتحه لأنه هيريح الإسكندرية، بالنسبة للناس اللي موجودة في السوق لازم نشوفلهم نحلها لأن دي أرزاق ناس".

وأضاف: "بالنسبة للمقام، بقول لكل اللي بيسمعني في مصر، المقام الكريم اللي على دماغي من فوق، بيعوق الحركة في حاجتين المحور والكوبري اللي لازم يعدي من المنطقة دي، ما أسهل علينا إننا نقول لرجال الامن خشوا وخلصوه، لكن احنا مش عايزين كدا".

وأكد أن المساجد لا تُبنى على أراضٍ حرام وأن النبي محمد لا يرضى أبدًا بأن يتعطل طريق بسبب مفاهيم خاطئة عند بعض الناس، متابعًا "قلنا شوفوا مكان جديد، واحنا نعملكوا صورة طبق الأصل منه".

وأوضح: "هذه المشكلة لازم تخلص خلال يومين تلاتة، القوات المسلحة والشرطة مسؤولين قدامي عن كدا".

اليوم الجديد