البداية مع إيزابيل الليندي.. مفاجأة جديدة لعشاق القراءة

8/13/2019 3:07:20 PM
91
ثقافة

نشرت ندى شبراوي، الشاعرة ومقدمة حلقات الكتب عبر "يوتيوب" صورة من أمريكا تجمعها بالكاتبة العالمية إيزابيل الليندي، لتعلن من خلالها قرب انطلاق مشروع جديد للقراء حول العالم.

تقوم فكرة المشروع على محاورة أكبر أدباء العالم الذين أثروا ساحة القراء، ويشارك فيه من مصر: الكاتب ومعد البرامج محمد فتحي، المدرب الإعلامي والحقوقي محمد سلطان، مهندسة الصوت ياسمين نور الدين، برعاية من "برنداريا للإعلام".

وكتب محمد سلطان على صفحته: "إن أنت تكون بتشتغل مع مجموعة من المجانين رسميًا والحالمين طوال الوقت فده يبدو مرهقًا جدًا ومتعبًَا للغاية، بس هو كمان ممتع جدًا وأنت بتشوف أحلام كبيرة بتتحقق قدام عينك.. قاعدين في أمان الله أنا ومحمد فتحي وندا الشبرواي بنناقش مشروع كبير جدًا بنحضر له وندا هاتكون جزء منه.. قوم ندا تعبر عن حلمها أنها تقابل كبار الكتاب وتعمل معاهم حوارات .. قوم فتحي يقولها ياللا بينا .. زي مين؟ زي ايزابيل الليندي .. وأنا قاعد باسمع واقول الكلام مافيش اسهل منه .. لكن عزيمة ندا ودأبها وإصرارها على تنفيذ حلمها .. وتشجيع محمد فتحى الدائم لها خلى الحلم حقيقة .. واترتبت المقابلة واتناقشت الأسئلة اللي هاتتسأل لإيزابيل وده بقى بفضل ومجهود ياسمين نور الدين اللي رتبت واهتمت بكل الأمور اللوجيستية وغيرها .. والحقيقة ان في فريق من المحترفين جداً اللي فتحي بيسميهم فريق الأحلام كان ورا ترتيب هذا المنتج النهائي .. الحلم بقى حقيقة ..".

اليوم الجديد